Hvað viltu láta gera? Koma í veg fyrir að strætó þveri Fossvogsdalinn, frá Hörgslandi yfir í Fagralund. Hvers vegna viltu láta gera það? Vil koma í veg fyrir að Strætó fái heimild til að aka niður Hörgsland, yfir göngustíg milli Haðalands og Grundarlands og þvert yfir Fossvogsdalinn til að komast í Fagralund. 1. Eyðileggur útivistar- og íþróttasvæðið 2. Aukin slysahætta fyrir þá mörgu sem nota dalinn til útivistar 3. Of þröngt að keyra milli garða í Haðalandi og Grundarlandi. 4. Aukin umferð niður Hörgsland með tilheyrandi hættu fyrir börn og auknum umferðarhávaða í gegnum annars friðsælt íbúðahverfi.5. Aukin mengun. Það er ekki langt að ganga upp á Bústaðaveg og taka strætó þar. Kostar ekkert nema samstöðu þeirra sem vilja hafa dalinn án ökutækja.
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin er ekki tæk til kosningar í verkefninu Hverfið mitt 2019. Hugmyndinni hefur verið komið áfram sem ábendingu, eftir eðli hugmyndar, ekki er talin þörf á að setja slíkt verkefni í kosningu. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
This content is created by the open source Your Priorities citizen engagement platform designed by the non profit Citizens Foundation