Hvað viltu láta gera? Gera skilti og fjarlægja tré umhverfis grunnanna af veiðhúsunum sem eru í brekkunni f ofan Vatnsveitubrúnna. Á skiltinu væru upplýsingar um Englending að nafni Payne sem átti Elliðaárnar frá 1890 - 1906. Þetta voru 2 hús sem þjónuðu efra veiðisvæðinu. Báðir grunnarnir sjást. Efri grunnurinn er úr grjóti og var íveruhús neðri grunnurinn var úr torfi og var fyrir veiðimennina. 2 önnur hús voru við Elliðaárósana og voru fyrir neðra svæðið. Það sést ekkert af þeim Hvers vegna viltu láta gera það? Þetta eru menningarminjar sem fáir vita um og eru falin. Það eru ekki allir sem vita að Elliðaárnar voru í eigu útlendings í nærri 20 ár! Illu heilli eru hin veiðihúsin horfin en hægt er að vekja athygli á þessum grunnum sem eftir eru. Fjallað er ítarlega um Payne í bókinni "Elliðaárdalur¨ eftir Árna Hjartason og Helga M Sigurðsson
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin var metin tæk til kosningar í verkefninu Hverfið mitt 2019. Einungis er hægt að stilla 25 tækum hugmyndum upp til kosninga á hverju ári. Haldin voru opin hús í hverfum borgarinnar í samstarfi við þjónustumiðstöðvar borgarinnar þar sem íbúar fengu að stilla upp kjörseðli með því að veita allt að 25 hugmyndum atkvæði sitt. Þessi hugmynd rataði því miður ekki í uppstillingu þetta árið. Hugmyndir er falla innan verkefna og valdheimilda Reykjavíkurborgar verður komið áfram sem ábendingu til viðeigandi deilda innan stjórnsýslu borgarinnar. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
This content is created by the open source Your Priorities citizen engagement platform designed by the non profit Citizens Foundation