Hvað viltu láta gera? Ég er búin að búa neðarlega í Seljahverfi í næstum tvö ár og er frá Suðausturlandinu, þar sem er bæði lítil bílaumferð og lítil mengun, eðlilega miðað við höfðatölu. Ég hef velt því fyrir mér daglega síðan ég flutti í þetta hverfi og horfi út um gluggana heima hjá mér af hverju það er ekki meiri gróður meðfram Reykjanesbrautinni á milli Reykjavíkur og Kópavogs. Hvers vegna viltu láta gera það? Bæði myndi það dempa niður hljóðmengunina sem er meira og minna alltaf til staðar, fyrir utan það hvað útsýnið myndi batna mikið við það. Það eru nú þegar á stuttum kafla við götuna há grenitré hinumegin við Skógarbæ og ég myndi gjarnan vilja sjá slík tré alveg meðfram þessari miklu umferðargötu. Ég er með mengunarmæli í bílnum mínum og hann segir mér daglega að mengunin í loftinu við húsið mitt sé mikil. Mín hugmynd er semsagt gróðursetning grenitrjáa meðfram allri Reykjanesbrautinni á milli Kópavogs og Reykjavíkur.
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin var metin tæk til kosningar í verkefninu Hverfið mitt 2019. Einungis er hægt að stilla 25 tækum hugmyndum upp til kosninga á hverju ári. Haldin voru opin hús í hverfum borgarinnar í samstarfi við þjónustumiðstöðvar borgarinnar þar sem íbúar fengu að stilla upp kjörseðli með því að veita allt að 25 hugmyndum atkvæði sitt. Þessi hugmynd rataði því miður ekki í uppstillingu þetta árið. Hugmyndir er falla innan verkefna og valdheimilda Reykjavíkurborgar verður komið áfram sem ábendingu til viðeigandi deilda innan stjórnsýslu borgarinnar. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
This content is created by the open source Your Priorities citizen engagement platform designed by the non profit Citizens Foundation