Hvað viltu láta gera? Einhyrningagarð á Klambratúni, afgirða smá part af garðinum. Hafa regnbogahlið. Setja einhyrningastyttur, jafnvel leiktæki, einhyrningarólur, hafa jafnvel pláss fyrir heimsóknir einhyrninga (hesta með heimatilbúin horn), Hafa skilti þar sem fólk getur sett eigin teikningar af einhyrningum (undir plasti svo þær þoli rigningu, hafa einhyrningahornasmiðjur, regnbogasmiðjur, einhyrningahátíð, myndatökuspjöld þar sem fólk getur tekið myndir af sér með einhyrningum. Gera umhverfið litríkt, glimmergardínur, hafa sumarblóm í pastellitum 🦄. Hvers vegna viltu láta gera það? Til þess að auka hamingju og gleði í hverfinu 🦄 og hvetja fólk, vini, fjölskyldur, fullorðna og börn til þess að njóta samverustunda í gleðilegu og litríku umhverfi.
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin var metin tæk til kosningar í verkefninu Hverfið mitt 2019. Einungis er hægt að stilla 25 tækum hugmyndum upp til kosninga á hverju ári. Haldin voru opin hús í hverfum borgarinnar í samstarfi við þjónustumiðstöðvar borgarinnar þar sem íbúar fengu að stilla upp kjörseðli með því að veita allt að 25 hugmyndum atkvæði sitt. Þessi hugmynd rataði því miður ekki í uppstillingu þetta árið. Hugmyndir er falla innan verkefna og valdheimilda Reykjavíkurborgar verður komið áfram sem ábendingu til viðeigandi deilda innan stjórnsýslu borgarinnar. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
This content is created by the open source Your Priorities citizen engagement platform designed by the non profit Citizens Foundation