Gervigrasvöllur í Langholtshverfi

Gervigrasvöllur í Langholtshverfi

Hvað viltu láta gera? Setja gervigrasvöll í Laugardalinn, fyrir neðan Langholtsskóla eða við Dalheima Hvers vegna viltu láta gera það? Í Langholtsskóla eru yfir 600 börn og mörg þeirra hafa gaman af fótbolta. Þess vegna er oft margt um manninn á battavellinum á Langó og ekki val um að fara á annan almennilegan fótboltavöll þegar svo er. Ef völlurinn væri staðsettur neðan við Langholtsskóla eða nálægt Dalheimum mætti nýta hann á skólatíma eða þegar frístundastarf er í gangi en auk þess væri hann þakklát viðbót fyrir fótboltabörnin í hverfinu.

Points

Það myndi ekki veita af öðrum velli fyrir hverfið okkar. Hann yrði örugglega vel notaður á skólatíma jafnt sem í annan tíma, ekki síður á frídögum þegar börn og unglingar leita þangað eftir hreyfingu og skemmtun. Fótboltamanninum syni mínum finnst þetta mjög nauðsynleg tillaga, hann hefur notað sparkvöll Langholtsskóla frá 3 ára aldri (12 ára í dag) en fyrir eldri börn er hann full lítill. Það var gott að dekkjakurlið fór af vellinum, takk!

Ekki veitir af það vantar meira pláss fyrir fótboltahetjur hverfisins

Frábær hugmynd sem styður við hreyfingu og heilsu barna og fullorðinna.

Mjög góð hugmynd. Völlurinn í Langholtsskóla annar ekki öllum þeim fjölda barna sem eru í hverfinu.

Þetta er frábær hugmynd!

Mikill fjöldi barna í hverfinu og mikill fótboltaáhugi, þessi viðbót væri kærkomin

Völlurinn er mjög mikið notaður, á skólatíma, um helgar og á kvöldin, og einnig hefur hann verið notaður fyrir æfingar hjá Þrótti. Það vantar sárlega fleiri velli í Laugardalinn.

Þetta er frábær hugmynd og styður vel við öflugt fótboltastarf í hverfinu!

Back to group

This content is created by the open source Your Priorities citizen engagement platform designed by the non profit Citizens Foundation

Your Priorities on GitHub

Check out the Citizens Foundation website for more information