Endurnýja leiksvæðið á gamla Ármannsvellinum gegnt Miðtúni

Það er ekkert almennilegt leiksvæði í Túnunum. Foreldrar þurfa að labba langa leið með ung börn (Klambratún) og geta ekki hleypt eldri börnum út að leika eins síns liðs á almennilegt leiksvæði því það er of langt í burtu og þau þurfa þá að fara yfir stórar götur til að ná þangað. Hverfið er í uppbyggingu, nýar fjölskyldur að flytja að og þörf hefur verið á að byggja upp leiksvæðið í langan tíma. Þessi tillaga hefur komið nokkrum sinnum og nú er komin tími til að klára málið.

Það sárvantar betra leiksvæði og/eða útivistarsvæði í Túnin. Svæðið á milli Waldorfsskólans og elliheimilisins er ekki svipur hjá sjón og það væri upplagt að búa þar til skemmtilegt svæði fyrir íbúa hverfisins sem fer ört fjölgandi með tilkomu nýbygginga á svæðinu.

Það sárvantar leiksvæði á þetta svæði. Vegna fyrirkomulags betrireykjavik, þá hverfa íbúar í Túnunum í fjöldann í samanburði við alla þá íbúa sem búa nær Laugardalnum og þessar hugmyndir sem koma fram og nýtast íbúum í Túnunum fá ekki nægilega mikið vægi þegar horft er til heildarfjölda íbúa í "Laugardal".

Nú skal okkur takast að koma þessu í gegn! Hjálpumst öll að og reynum að fá barnafólk úr hverfinu til að kjósa með þessu.

Það er ekkert almennilegt leiksvæði í Túnunum og nokkuð langt að labba á þau sem næst eru. Þetta myndi stórbæta aðstöðu barnafólks í hverfinu.

Alveg sammála því að það vantar betra leiksvæði en einnig aðstöðu fyrir foreldra til að vera með lítil börn á róló. Td. bekki til að tylla sér á og leiktæki fyrir yngstu börnin.

Þetta er tillaga sem hefur nokkrum sinnum "komist áfram" ef svo má segja en því miður aldrei fengið kosningu væntanlega af þeirri einföldu ástæðu að íbúar í Túnunum eru hlutfallslega fámennir í þessu stóra hverfi. En maður heldur í vonina um að Túnin fái að lokum sómasamlegt útivistarsvæði.